AZ EN
Xoş gəldiniz, təqdim olunan bütün xidmətlərdən istifadə etmək üçün sistemə daxil olmalısınız
Xidmətlərə müraciət sayı
Günlük zəng sayı

Məlumat Hesablama Mərkəzi “Bakutel-2017”

181 Mətni çap edin Mətni göndərin

Nəqliyyat, Rabitə və Yüksək Texnologiyalar Nazirliyinin Məlumat Hesablama Mərkəzi (MHM) hər il olduğu kimi, bu il də “Bakutel” Beynəlxalq Telekommunikasiya və İnformasiya Texnologiyaları Sərgi və Konfransında yenilikləri ilə iştirak edəcək.

Ölkənin ən mühüm layihələrini icra edən Məlumat Hesablama Mərkəzi elektron transformasiyalar məkanı olaraq tanınır. Mərkəz “Elektron hökumət”, “Açıq Hökumət Məlumatları”, “Elektron imza” infrastrukturlarının qurucusu və bu infrastrukturlar üzrə əsas təşkilati qurumlardandır.

Ötən il ərzində qeyd olunan infrastrukturlar üzrə bir sıra yeniliklər edən MHM operatoru olduğu “Elektron hökumət” portalındakı xidmətlərin sayını artırıb, vətəndaşlara səmərəli xidmət vermək üçün mövcud xidmətlərdən bir çoxunu optimallaşdırıb. Xüsusən Açıq Hökumət Məlumatları (data.gov.az) üzrə aparılan işlər artıq öz bəhrəsini verib və bu il portal tamamilə yenilənərək, məlumat dəstlərinin sayı 25-dən 654-ə çatdırılıb.

İl ərzində yeni nəsil şəxsiyyət vəsiqəsinin tətbiqi ilə bağlı ölkə rəhbərinin təsdiqlədiyi sənədlərdə əks olunan tapşırıqlar üzrə də işlər görülüb. Mərkəz yeni şəxsiyyət vəsiqələrinin tərkibinə elektron imza çiplərinin inteqrasiyası üçün lazımi infrastrukturu qurub və bu prosesə tam hazırdır.

Heydər Əliyev Fondunun təşəbbüsü ilə ötən il “Bakutel” sərgisi çərçivəsində təqdim olunan “Danışan kitabxana” görmə qabiliyyəti məhdud insanların, habelə, bədii ədəbiyyat dinləyicilərinin marağına səbəb olub. Bu il kitabxananın məlumat sisteminə əlavələr edilərək, 200-dən artıq peşəkar səviyyədə səslənmiş kitab dinləyicilərin ixtiyarına verilib və kitabların ümumi sayı 300-ə yaxındır.

Bundan başqa, vətəndaş məmnunluğunu artırmaq, bir mənbədən çox sayda məlumat almaq imkanını təmin etmək məqsədilə Nəqliyyat, Rabitə və Yüksək Texnologiyalar Nazirliyi nəzdində olan qurumlar üçün vahid çağrı mərkəzi yaradır. Hazırda 155 vahid çağrı mərkəzi 170, 122, 123 qısa nömrələrini özündə birləşdirir. Gələcəkdə bu mərkəzə digər qurumların qoşulması, həmçinin turistlərə bələdçi xidmətlərinin göstərilməsi də planlaşdırılır.

“Bakutel” iştirakçıları qeyd olunan yeniliklərlə bağlı daha geniş məlumatı Məlumat Hesablama Mərkəzinin pavilyonundakı güşələrdən əldə edə bilərlər. Pavilyonda vətəndaşların “Elektron hökumət” portalı barədə məlumatını artırmaq, eyni zamanda onlara hədiyyələr qazandırmaq üçün oyunlar da təşkil olunacaq.

  • 436

    Təsdiq olunmuş xidmətlərin sayı

  • 333

    Bunlardan portala inteqrasiya olunmuşlar

  • 508

    Dövlət saytlarında olan xidmətlər

  • 438

    Portalda olan xidmətlərin sayı

Onlayn konsultasiya
Onlayn konsultasiya